له‌میانی یاریه‌كانی قۆناغی دووه‌می پله‌نایابی تۆپی پێی یانه‌كانی كوردستان پاشنیوه‌ڕۆی ئه‌مڕۆ كاتژمێر له‌یاریگای خۆیدا یانه‌ی سیروانی نوێ میوانداری یانه‌ی سلێمانی كردو له‌یاریه‌كی توندوتیژدا سیروانی نوێ توانی به‌3 گۆڵ به‌رامبه‌ر به‌گۆڵێك یاریه‌كه‌ بباته‌وه‌و له‌به‌رامبه‌ریشدا 3 یاریزانی سلێمانی به‌ناوه‌كانی " كاروان و ئه‌حمه‌دو نوری" به‌كارتی سور كرانه‌ ده‌ره‌وه‌ی یاریگاو له‌دوای ته‌واو بونی یاریه‌كه‌ش په‌شێوی‌و شه‌ڕ له‌نێوان هه‌ردوو لاو دادوره‌وه‌كان‌و هه‌وادارانی یانه‌ی سلێمانی‌و یاریزانانی یانه‌ی سیروانی نوێدا ڕویدا به‌ڵام له‌لایه‌ن هێزه‌كانی پۆلیسی چالاكیه‌ مه‌ده‌نیه‌كانه‌وه‌ كۆنترۆڵی بارودۆخه‌كه‌ كرا.
بڕیاره‌ سبه‌ینێش هه‌ردوو یانه‌ی دهۆك‌و ئه‌زمڕ له‌هه‌مان یاریگا به‌یه‌ك بگه‌ن بۆ ئه‌نجامدانی ئه‌و یاریه‌ دواخراوه‌ی كه‌دوو هه‌فته‌ به‌رله‌ئێسته‌ به‌هۆی خراپی كه‌ش‌و هه‌واو له‌دهۆك دواخرا.
له‌هه‌مان كاتدا یاری نێوان هه‌ندرێن‌و ئاسۆ 3-1، هه‌ڵۆو پێرس 1-1، هه‌ولێرو زاخۆ 0-1