یانه‌ی‌ بۆكاجۆنیۆرزی‌ ناودارترین یانه‌ی‌ ئه‌رجه‌نتین توانی‌ به‌ دوو گۆڵی‌ یاریزانی‌ زه‌به‌لاحی‌ مارتین پالێرمۆ بگه‌ڕێته‌وه‌ پله‌ی‌ سێیه‌می‌ ڕیزبه‌ندی‌ یانه‌كانی‌ ئه‌رجه‌نتین له‌ كاتێكدا كه‌ بۆ ته‌نها یه‌ك سه‌عات یانه‌ی‌ ڕێڤه‌رپلایتی‌ ڕكابه‌ری‌ توانیبووی‌ پله‌ی‌ سێیه‌می‌ لێبگرێت.
له‌و یارییه‌دا كه‌ له‌ یاریگای‌ یانه‌ی‌ سان مارتین به‌ڕێوه‌چوو یانه‌ی‌ بۆكاجۆنیۆرز به‌ ڕێبه‌رایه‌تی‌ مایسترۆ و قوبتانی‌ كه‌شتی‌ هه‌ژاران و نه‌داران خوان ڕۆمان ڕیكێلمی‌ و به‌ دوو گۆڵی‌ گۆڵكاری‌ مێژوویی‌ یانه‌كه‌ یاریزانی‌ زه‌به‌لاح مارتین پالێرمۆ له‌ خوله‌كه‌كانی‌ 4 و 79 ی‌ یارییه‌كه‌دا توانی‌ بگه‌ڕێته‌وه‌ بۆ پایته‌خت به‌ سێ‌ خاڵ و ده‌ستگرتنه‌وه‌ به‌ پله‌ی‌ سێیه‌می‌ خوله‌كه‌وه‌ له‌ كاتێكدا پێش ئه‌و یارییه‌ یانه‌ی‌ ڕێڤه‌رپلایتی‌ نوێنه‌ری‌ سه‌رمایه‌دار و ده‌وڵه‌مه‌نده‌كانی‌ ئه‌رجه‌نتین توانیبووی‌ به‌ هه‌مان ئه‌نجامی‌ بۆكا و به‌ دوو گۆڵی‌ بێبه‌رامبه‌ر له‌ یانه‌ی‌ سان لۆرێنزۆ گۆڵه‌كانی‌ ڕیڤه‌ریش هه‌ریه‌ك له‌ گارسیا له‌ خوله‌كی‌ 28 و ئه‌بیلیلاس له‌ خوله‌كی‌ 53 دا تۆماریانكرد هه‌روه‌ك چۆن یانه‌ی‌ ئه‌رسیناڵ سالاندیش توانی‌ به‌ تاكه‌ گۆڵێكی‌ یاریزان بیاگینی‌ له‌ یانه‌ی‌ ئۆلیمپۆ بباته‌وه‌، ئه‌مه‌ش ڕیزبه‌ندی‌ خوله‌كه‌یه‌ :
1. یانه‌ی‌ ئیستودیانتس 9 خاڵی‌ هه‌یه‌ له‌ 3 یاری‌
2. فیلزسالسفێڵد 9 خاڵی‌ هه‌یه‌ له‌ 3 یاری‌
3. بۆكاجۆنیۆرز 7 خاڵی‌ هه‌یه‌ له‌ 3 یاری‌
4. ڕیڤه‌رپلایت 7 خاڵی‌ هه‌یه‌ له‌ 3 یاری‌
5. لانۆس 6 خاڵی‌ هه‌یه‌ له‌ 3 یاری‌