ڕۆژنامه‌ی تۆتۆ سپۆرتی ئیتاڵی له‌ میانی هه‌واڵێکیدا ڕایگه‌یاند که‌وا ڕاهێنه‌ری یانه‌ی میلانی ئیتاڵی کالۆ ئه‌نجیلۆتی به‌ فه‌رمی داوای له‌ گالیانی جێگری سه‌رۆکی یانه‌که‌ کردوه‌ که‌وا یاریزانی یانه‌ی پاڵیرمۆ ئاماوری به‌ڕازیلی بهێنێته‌ ڕیزه‌کانی میلان بۆ وه‌رزی داهاتوو وه‌ بیخاته‌ ڕیزی ئه‌و ناوی ئه‌و یاریزانانه‌ی که‌وا یانه‌که‌ بڕیاریداوه‌ بۆندیان له‌گه‌ڵ ببه‌ستێت ، وه‌ ئه‌نجیلۆتی ووتوویه‌تی که‌وا ” ئاماوری یاریزانێکی به‌سوود ده‌بێت بۆ یانه‌که‌مان گه‌ر گرێبه‌ستی له‌گه‌ڵ بکه‌ین وه‌ من نامه‌وێت هیچ یاریزانێک پێش هیچ یاریزانێکی تر بخه‌م به‌ڵام دڵنیام له‌وه‌ی که‌وا یانه‌ک پێویستی به‌ چوار هێرشبه‌ری ئاستبه‌رز ده‌بێت بۆ وه‌رزی داهاتوو  وه‌ ناشمه‌وێت هه‌ر له‌ ئێستاوه‌ قسه‌ ده‌رباره‌ی بازاڕه‌کانی هاوینه‌ بکه‌م”.