كاپێلۆ: رۆما ده‌توانێت له‌ ریاڵ مه‌درید به‌رێته‌وه‌ ... دیاری نه‌کراو
فابیۆ كاپێلۆ، راهێنه‌ری‌ هه‌ڵبژارده‌ی‌ ئینگاته‌را، له‌ لێدوانێكیدا رایگه‌یاند یانه‌ی‌ رۆمای‌ ئیتاڵی‌ ده‌توانێت له‌ یاری‌ داهاتووی‌ قۆناغی‌ 16-ی‌ جامی‌ یانه‌ پاڵه‌وانه‌كانی‌ ئه‌وروپا به‌سه‌ر یانه‌ی‌ ریاڵ مه‌درید دا سه‌ركه‌وتن به‌ده‌ستبهێنێت، ئه‌گه‌ر بێتوو به‌باشی‌ سوود له‌ هێرشه‌ هه‌ڵگه‌ڕاوه‌كان ببینن‌و هه‌ڵه‌كانی‌ یاریزانانی‌ ریاڵ بقۆزنه‌وه‌.

له‌ درێژه‌ی‌ لێدوانه‌كه‌یدا كاپێلۆ ده‌ستخۆشی‌ له‌ یاریزانانی‌ یانه‌ی‌ رۆما كرد كه‌ توانییان یاریی‌ چوون له‌ به‌رژه‌وه‌ندی‌ خۆیان كۆتایی‌ پێبهێنن، ئه‌مه‌ش یارمه‌تییان ده‌دات كه‌ له‌ ناو یاریگای‌ ریاڵ مه‌درید دا یارییه‌كی‌ باش پێشكه‌شبكه‌ن.

جێی‌ ئاماژه‌یه‌ پێشتر كاپێلۆ راهێنه‌رایه‌تی‌ هه‌ریه‌ك له‌ یانه‌كانی‌ رۆمای‌ ئیتاڵی‌‌و ریاڵ مه‌درید-ی‌ ئیسپانی كردووه‌‌و توانیویه‌تی‌ له‌گه‌ڵ هه‌ردوو یانه‌ی‌ ناوبراودا چه‌ندین نازناو به‌ده‌ستبهێنێت.

z ڕێکه‌وتی 2008/2/24-19:08 له‌لایان ژەنگار بۆ چوونه‌کان(0) - ?
بۆ چوونه‌کان ?